Áðan skrapp ég í ondúleringu og lít svei mér þá heldur skár út á eftir. Í leiðinni kom ég við í Bjarnabúð og keypti egg, flatbrauð og dömulega perluskreytta þunna mussu. Ég veit alveg að svoleiðis flíkur eru örugglega miklu ódýrari í Köben, en það er alls ekki víst að ég verði í nægilega góðu formi til að versla þar fyrstu dagana. Og ég ætla sko að vera lekker í skugganum í hótelgarðinum frá fyrsta degi. Ójá.
