Þessi frétt á BB gladdi mig verulega í morgun. Rannveig er ekki aðeins frábær kennari, heldur líka góður vinnufélagi sem lífgar upp á tilveruna með fallegu brosi og hlýjum húmor. Hún er ekki mikið fyrir að trana sér fram og verk hennar hafa ekki alltaf farið hátt. Oft er það þannig að í okkar samfélagi er þeim hampað mest sem hæst hafa. Ekki síst þessvegna finnst mér sérstaklega ánægjulegt að hún skuli fá þessa viðurkenningu.
