Ég fékk tilkynningu frá póstinum í morgun og geri fastlega ráð fyrir því að það sé pottormurinn sem þar bíður lausnar. Eins og dama ein bendir á er það sennilega peningasóun að kaupa svona bækur en ég keypti hana nú samt. Í tilefni þess ætla ég að auglýsa eftir fyrri bókum úr flokknum sem eru í útláni einhversstaðar. Mig vantar sem sagt bækur nr. eitt, tvö og þrjú. Þær eru frá amerísku útgáfunni, innbundnar og allt. Vel verður tekið á móti þeim sem skila og ef einhverjum brestur kjark má alltaf skilja bókina eftir á tröppunum, eða bara skutla henni inn í gang og hlaupa svo.
