Deildarstjórinn hringdi ekki í gær svo ég sló á þráðinn í morgun og náði sambandi eftir nokkuð langa bið. Í þetta sinn fannst málið mitt og viti menn, það er löngu komið frá lækninum. Það stendur sem sagt bara á lokaafgreiðslunni, sem að sögn deildarstjórans hefur dregist vegna tölvukerfis sjóðsins. Deildarstjórinn sagðist ætla að reyna að klára málið í vikunni, en þorði þó ekki að lofa neinu. Við sjáum hvað setur.
