Listar úr perluprjóni
Ég segi lopapeysu, þó að brúna jakkapeysan sé auðvitað alls ekki úr lopa. En hún er eins nálægt lopa og hægt er fyrir væntanlegan eiganda og langþráður draumur sem rætist rétt bráðum. Listarnir að framan eru prjónaðir með perluprjóni og lykkjaðir við búkinn. Það eru níu lykkjur í hvorum lista, sex fyrir listann sjálfann og þrjár til að hylja sauminn á röngunni.
Listarnir eru lykkjaðir á. Fyrst er nálinni stungið í listann, innan við þriðju lykkju og svo á sama hátt í peysuna sjálfa,
alveg upp við sléttu lykkjurnar. Þegar listinn er kominn á, er stykkinu snúið við. Vélsaumurinn (síðan peysan var saumuð og klippt upp)er nú falinn með þriggja lykkju breiða listanum sem nú er á röngunni, á sama hátt og áður:
Ég er hrifin af þessari aðferð, hún er mjög snyrtileg, þó sé kannski svolítið tímafrek.
Ég hef þó oftast heklað listana, þegar ég hef prjónað lopa jakkapeysur.
Jakkapeysuferillinn
Þessar þrjár eru næstum eins:
Þessi hefur ekki aðeins heklaða lista, heldur einnig heimagerðar glitrandi tölur. Hún var prjónuð fram og til baka og var því ekki klippt upp:
Þessi er með heklaða lista og rennilás:
- en þessi er (augljóslega með tölur).
Þessar líka :
Þessi er með prjónaða lista og rennilás:
En þessi er alveg án lista. 
Og að lokum, þessi er með breiðum strofflista. Hún var prjónuð fram og til baka með mjög fínum prjónum:
