Þetta er Halldór Gunnar Pálsson. Hann er, eins og þjóð veit, gítarleikari, kórstjóri, lagahöfundur og annálað ljúmenni. Hann er líka maður með stóra hugmynd. Hann ætlar að taka upp rödd þjóðarinnar inn á nýja lagið sitt, nánar til tekið 10% eða 30.000 manns. Til að ná því marki ferðast hann um landið og tekur upp söng þeirra sem vilja vera með. Allir eru velkomnir, smábörn og gamalmenni, vant söngfólk og algerir byrjendur.
Halldór er fyrrverandi nemandi húsbóndans og fjölskylduvinur. Hann heimsótti að sjálfsögðu Vík á hringferð sinni og tók upp söng þeirra sem mættu í Tónskólann að hitta hann.
Lagið verður ekki gert opinbert fyrr en það er alveg tilbúið, en hér er viðlagið sem Halldór er að kenna þjóðinni:
skemmtilegur strákur hann Halldór, og frændi mannsins míns!
kv. Fríða